In ispiàgia unu pipiu iat a bolli giogai trancuillu po contu suu ma ndi ddoi at un’àteru, prus matucheddu, chi cumentzat a ddu trumentai e a ddi fai un’iaxi de dispetus. Cumenti at a finiri? E cali est su segretu cosa sua?
Dexi contus orrorosus e fantàsticus, dexi istórias de féminas e óminis, piciocheddas e piciocheddus, chi si movint in una Sardínnia istrambeca e bivint aintru de una realidadi chi, mancai siat sa chi connosceus e s’agataus ananti de ogus dónnia dí, s’ammesturat a pari cun is prus bisus malus, e abarrat sèmpiri faendi a egaseogas in làcanas pagu seguras, aundi su beni ispàciat e su mali cumentzat.
NATASCIA MUSCAS & ALESSANDRO GARAU funt 17 annus cojaus, ma funt impari de prus de 25. Bivint in Gúspini. Tenint unu blog NAlife – https://nalife.altervista.org aundi iscriint artículus chi pertocant escursionis, situs archeológicus, líbburus e àteras cosas. De s’acabbu de su 2020 partétzipant a unus cantu cursus de Sardu, e cumentzant a iscriri fintzas in custa língua.
In su 2021 otenint sa Certificatzioni Naramí e in su 2022 sa Certificatzioni C1 de Língua Sarda. Sèmpiri in su 2022, is contus insoru S’Àteru e S’Antigu, chi s’agatant fintzas aintru de custu líbburu, ddus ant premiaus a duus de is prus cuncursus famaus de literadura sarda, su “Paulicu Mossa” de Bonorva (II Prémiu) e su “Prémiu de Otieri” (II Prémiu).
Àterus contus cosa insoru ddus ant premiaus a su cuncursu “Traballu e Tzitadinàntzia” (Su collóchiu – III Prémiu, ed. 2022) in Terranoa, a su “Anselmo Spiga” (Dèu e s’amigu miu – II Prémiu, ed. 2023) in Santu Sparau, e torra a su “Prémiu de Otieri” (Àcua trulla – I Prémiu, ed. 2023).
UNU PIPIU MALU E ÀTERUS CONTUS
- Unu pipiu malu
- S’Antigu (II Prémiu – Prémiu de Otieri 2022)
- Su muncadori
- Cassa manna
- Cadenas
- S’Àteru (II Prémiu – Cuncursu “Paulicu Mossa” de Bonorva 2022)
- Una farrancada de cinixu
- Asuta de àcua
- S’Umbra
- Su fillu de is isteddus
245 pàginas – cobertina moddi opaca – 12,85 x 19,84 cm.
DISPONÍBBILI IN SA RETZA DE SU 23 DE DONNIASANTU 2023 a € 26,00
Si ddu boleis comporai anca de nosu:
- ddu bendeus a € 15,00 + contribbutu po si ddu imbiai a domu cun unu servítziu de Poste Italiane a isceberu intra:
» € 2,50 “Pieghi di libri” (chene possibbilidadi de sighiri s’ispeditzioni)
» € 5,00 “Pieghi di libri raccomandato” (cun possibbilidadi de sighiri s’ispeditzioni) - Maneras po pagai:
IBAN / POSTEPAY (o fintzas in contanti si biveis acanta e si podeus atobiai) - iscrieisí un’e-mail a s’indiritzu de posta eletrónica
[email protected]
po mandai s’indiritzu e isciri is coordinatas.
PS:
- Si boleis cuncordai una presentada, iscrieisí a sa posta eletrónica [email protected]
- Iscontus po chi ndi cómporat assumancu 10 cópias (assótzius, iscolas, bibbliotecas, e aici sighendi)